.png)
Momente frike në stadiumin e Grandës për sulmuesin shqiptar, Rei Manaj, i cili ka marrë një goditje në kokë dhe ka mbetur i shtrirë në tokë. Ishte minuta e 30-të e ndeshjes Granada-Albacete dhe futbollisti kuqezi është transportuar me barrelë drejt autoambulancës, për të shkuar më pas me urgjencë për në spital.
Shtypi spanjoll shkruan se gjatë një dyluftimi për topin, Manaj është goditur nga kundërshtari me shkelm dhe ka pësuar një traumë. Mjekët e Albacetes kanë vrapuar për t’i dhënë ndihmën e parë, por është dashur që lojtari të transportohet për në spital, pasi duhet të bëjë ekzaminimet përkatëse. “Manaj ka pësuar një traumë, pas një goditjeje në kokë dhe duhet të bëjë testet e duhura në spital”, – shkruan në Tuiter klubi i Albacetes.
Nuk ka pasur shumë detaje, por dëmtimi është dukur vërtet i frikshëm për sulmuesin e Kombëtares, që për një moment humbi ndjenjat. Priten vizitat e specializuara që të mësohet masa e dëmtimit për futbollistin shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje