.png)
Dëmtimi i Kristiano Ronaldos gjatë ndeshjes Portugali-Serbi e ka alarmuar Juventusin. Ylli i ekipit torinez ka lënë fushën dhe ka ngritur shumë dyshime në lidhje me kohën e rikuperimit. E vetmja gjë e sigurt për momentin është se Ronaldo do të kthehet sot në Torino dhe do të bëjë një rezonancë për të kuptuar shkallën e dëmtimit. Sulmuesi i Juventusit pësoi një dëmtim në kofshën e djathtë dhe u zëvendësua pas 30 minutash lojë. Ankth për tifozët e Juventusit, edhe pse vetë portugezi ka dashur t’i qetësojë të gjithë, duke u shprehur: “Kthehem pas dy javësh”. Që do të thotë se do të jetë gati në kohë për ndeshjet e Championsit kundër Ajaksit.
Duke parë dinamikën e aksionit dhe pjesën e këmbës, që mjekët e Portugalisë kanë trajtuar në momentin e dëmtimit, është shumë e vështirë të bësh parashikime për kohën e rikuperimit. Ekzaminimet e specializuara bëhen pas 24 orësh. Rezistenca ndaj problemeve fizike dhe kujdesi i jashtëzakonshëm që Ronaldo tregon për trupin e tij, bëjnë që Juventusit dhe tifozët e tij të shpresojnë për një rikthim të shpejtë. CR7 e kuptoi menjëherë se kishte nevojë të zëvendësohej, për të mos rrezikuar më shumë.
Gjatë këtyre orëve portugezi e ka mbajtur këmbën me akull dhe pas përgjigjes së mjekëve do të saktësohet edhe koha e rikuperimit. Dëmtimi i fundit serioz i Ronaldos është ai i verës së vitit 2016, në finalen e Europianit 2016 ndaj Francës, kur la fushën pas 25 minutash. Në atë rast u kthye më 10 shtator. Këtë sezon ka munguar në tri ndeshje për shkak skualifikimi dhe pushimi të akorduar nga trajneri Alegri. Duke i besuar asaj që vetë lojtari ka thënë, i takon që do të humbë edhe tri ndeshje të tjera, konkretisht ato me Empolin, Kaliarin dhe Milanin, për të qenë gati në Champions ndaj Ajaksit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje