.png)
Gjykata Penale e Shkupit në Maqedoninë e Veriut vendosi ditën e mërkurë një dënim të ri me burg për ish-Kryeministrin e arratisur të vendit, Nikola Gruevski.
Ai është shpallur fajtor dhe është dënuar me gjashtë vite burg për akuzën e shpërdorimit të detyrës.
Ky është dënimi i pestë për Gruevskin që kur ai la postin në vitin 2011, pas një dekade në pushtet.
Nikola Gruevski është dënuar dhe mbetet i dyshuar në disa çështje korrupsioni dhe është akuzuar për shpërdorim detyre, pastrim parash dhe vepra të tjera penale gjatë ushtrimit të detyrës si Kryeministër i Maqedonisë së Veriut nga viti 2006 deri në vitin 2016.
Sipas aktakuzës, Gruevski dhe ish-Sekretari i Përgjithshëm i Partisë Kiril Bozhinovski, si drejtuesit e parë të VMRO-DPMNE-së, nga viti 2011 deri në vitin 2016, kanë shfrytëzuar pushtetin për të siguruar një seli të re partiake me vlerë shtatë milionë euro.
Gruevski ka mohuar çdo akuzë. Ai u arratis në Hungari në vitin 2018 duke shfrytëzuar si tranzit edhe Shqipërinë. Në Hungari, Viktor Orban i dha Azilin Politik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje