.png)
Raportet audituese të Kontrollit të Lartë të Shtetit kanë nxjerrë Agjencinë Shtetërore të Kadastrës si institucionin më problematik sa i takon numrit të shqetësimeve dhe denoncimeve të bëra nga qytetarët.
Nisur nga kjo, Kryeministri Edi Rama ka njoftuar këtë të martë hapjen e një sektori të ri në platformën “Shqipëriaqëduam.al”, ku mund të denoncohen posaçërisht nga qytetarët çdo padrejtësi të kryer nga Agjencia Shtetërore e Kadastrës.
Sipas Ramës, dritarja e re “Denonco Kadastrën” tek Shqiperiaqeduam.al do të lidhë në kohë reale çdo ankues me ministrin e Drejtësisë dhe Rrjetin Antikorrupsion të Ministrisë së Drejtësisë.
Gjatë njoftimit të kësaj nisme, Rama premton se brenda këtij mandati do të zgjidhet problemi i inventarizimit të pronave përmes revolucionit digjital.
“Revolucioni digjital brenda këtij mandati do të zgjidhë më në fund hallet e qytetarëve me këtë shërbim, falë përfundimit të inventarizimit digjital të pronave dhe mbylljes definitive të sporteleve, duhet të shoqërohet në ndërkohë me rritjen e presionit Antikorrupsion mbi Kadastrën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje