.png)
Disa prej deputetëve të përjashtuar të PD anëtarë të komisionit të Ligjeve janë futur përmes dritareve në kryesinë e Kuvendit duke iu drejtuar komisionit te Ligjeve ku ishte parashikuar mbledhja e radhës.
Drejtuesja e komisionit të Ligjeve, Klotilda Bushka ka njoftuar ndërprerje të punimeve, duke u shprehur se nuk mund të zhvillohet në këtë mënyrë.
Ajo deklaroi se deputetët do të njoftohen për mbledhjen e radhës. Por brenda nje ore, deputetet moren nje njoftim nga Kuvendi.
“Ju njoftojmë se mbledhja e sotme e komisionit për Çështjet Ligjore, Administratën Publike dhe të Drejtat e Njeriut do të zhvillohet online në orën 12:30”.
Pas Komisionit të Ligjeve, deputetët e opozitës kanë bllokuar edhe atë të Shëndetësisë.
Mbledhja ka zgjatur vetëm 4 minuta dhe më pas është ndërprerë. Komisioni i Shëndetësisë drejtohet nga deputetja e PD-së, Zheni Gjergji, e rreshtuar krah grupit të Gazment Bardhit. E njëjta situatë edhe tek Komisioni i Jashtëm dhe ai për Veprimtarinë Prodhuese. Të katërta u njoftuan nga Kuvendi se do të mbahen online.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje