.png)
Gazeta Si – Zëvendëskryeministri i qeverisë së Krimesë, Georgy Muradov, u shpreh këtë mëngjes se “Deti i Azov” është “i humbur përgjithmonë për Ukrainën”.
Portet e rajoneve Zaporizhzhia dhe Kherson nuk do të jenë më kurrë të Ukrainaës.
Dhe jam i sigurt se pas ribashkimit të rajoneve tona me Rusinë, Deti Azov do të kthehet në të qenit, si më parë, ekskluzivisht një det i brendshëm i Federatës Ruse.
Dje, Putin nënshkroi një dekret duke e bërë më të lehtë për qytetarët e rajoneve Kherson dhe Zaporizhzhia marrjen e një pasaporte ruse – një metodë që Rusia e ka përdorur tashmë në të kaluarën për të krijuar situata aneksimi “de facto” të territoreve të vendeve të tjera.
Agjencia ruse “Ria Novosti”, të cilës Muradov ia besoi fjalët e tij, citon gjithashtu Vladimir Rogov, një zyrtar i emëruar nga Moska në rajonin e pushtuar të Zaporizhia, i cili pohoi saktësisht se “rajonet e Zaporizhia dhe Kherson nuk do të kthehen kurrë nën kontrollin e Kievit”.
Ndërkohë, asnjë ndryshim kufiri nuk do të ketë mes Ukrainës dhe Rusisë në këmbim të armëpushimit.
Në fjalimin e tij, presidenti ukrainas Volodymyr Zelensky hodhi poshtë çdo hipotezë të transferimeve territoriale në këmbim të paqes me Rusinë.
“Në disa media perëndimore kanë filluar të shfaqen editoriale zbuluese që thonë se Ukraina duhet të pranojë të ashtuquajturat kompromise të vështira duke hequr dorë nga territoret në këmbim të paqes”, shpjegoi Zelensky.
Ata që këshillojnë Ukrainën të dorëzohet nuk kanë parë njerëz të zakonshëm “të cilët jetojnë në territoret që ata propozojnë të tregtojnë për një paqe iluzionuese”, vazhdoi ai.
Këto janë presione nga njerëzit “që kanë mbetur të burgosur” të shekujve të kaluar, në të cilët “interesat kombëtare në fakt shpesh i nënshtroheshin zbutjes së oreksit të diktatorëve”.
Një ditë më parë, ish-sekretari amerikan i Shtetit, Henry Kissinger, tha se Ukraina duhet të lëshojë disa territore për t’i dhënë fund luftës me Rusinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje