.png)
Pas protestës së opozitës para Kuvendit, Policia e Shtetit ka arrestuar 14 protestues, të cilët akuzohen se kanë goditur efektivët me sende të forta.
Autoritetet njoftojnë se 7 protestues të tjerë janë shpallur në kërkim dhe se janë proceduar në gjendje të lirë 11 persona, mes tyre edhe Gazmend Bardhi, sekretar i përgjithshëm i PD. Mësohet po ashtu se se ish-deputeti i PD Luan Baçi dhe i biri po hetohen në gjendje të lirë.
Burimeve nga policia bëjnë të ditur për mediat se protestuesit e akuzuar janë kapur nga kamerat e sigurisë duke qëlluar uniformat blu. Grupi hetimor i ngritur po vijon analizimin e pamjeve filmike të siguruara nga kamerat e vendosura para parlamentit dhe po ashtu vijojnë shoqërimet dhe verifikimet edhe nga policitë në qarqe.
Pas protestës, Policia e Shtetit deklaroi ditën e djeshme se tubimi ishte i paligjshëm. Gjatë tubimit, sipas policisë u lënduan 3 punonjës policie, ndërsa edhe mes protestuesve pati të lënduar.
Të arrestuarit janë:
K. R., 19 vjeç; G. B., 41 vjeç; E. B., 33 vjeç; A. S., 33 vjeç; P. D., 35 vjeç; F. Rr., 40 vjeç; E. B., 31 vjeç; D. B., 22 vjeç; E. B., 37 vjeç; J. S., 21 vjeç; Q. Gj., 24 vjeç; K. K., 19 vjeç; A. B., 33 vjeç; F. Z., 20 vjeç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje