.png)
Një ngjarje e rëndë është shënuar ditën e djeshme në Patos, ku një person ka dhunuar dhe ka hedhur ish-gruan nga kati i dytë i banesës.
Policia thotë se 47-vjeçari me inicialet S. Rr. banues në Kurian, Roskovec dje ka shkuar në shtëpinë e ish-gruas në Patos, duke e keqtrajtuar dhe më pas e ka hedhur nga kati i dytë i banesës.
38-vjeçarja me inicialet E. S. ishte e pajisur me urdhër mbrojtje nga gjykata, por kjo nuk e pengoi ish-burrin që t’i shkonte në shtëpi, ta dhunonte dhe ta hidhte nga kati i dytë. 38-vjeçarja ndodhet në spitalin rajonal Fier nën kujdesin e mjekëve, ndërsa ish-burri në qeli.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje për shkak të marrëdhënieve familjare” e mbetur në tentativë, “Dhunë në familje”, “Veprime në kundërshtim me vendimin e Gjykatës”, “Dhunimi i banesës” dhe “Shkatërrimi i pronës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje