.png)
Klubi i madh kroat i Dinamo Zagreb ka nënshkruar një kontratë 5-vjeçare me sulmuesin Lirim Kastrati. Futbollisti 21-vjeçar nga Kosova, i cili është formuar te Shkëndija e Tiranës, ku ka dalë edhe kampion me U-17-ën, ka kaluar nga Lokomotiva e Zagrebit te Dinamo e Zagrebit dhe kjo është një lëvizje shumë e rëndësishme për të.
Kastrati, pjesë e Kombëtares U-21 të Kosovës, ka spikatur me fanellën e Lokomotivës sezonin e fundit dhe gjigantët e Dinamos nuk mund ta linin këtë rast t’u ikte nga duart. Menjëherë i kanë afruar kontratë 5-vjeçare sulmuesit të djathtë, por ai do të vazhdojë të luajë me Lokomotivën deri në fund të sezonit. Drejtuesit e Dinamos synojnë të bëjnë të njëjtën gjë si me mbrojtësin Amir Rrahmani, të cilin e morën nga RNK Spliti dhe në verë e shitën te Verona në Itali.
Kastrioti është një lojtar mjaft premtues dhe pas aktivizimit me Dinamon e Zagrebit me siguri e pret një klub i madh në Europë. Me Dinamon është aktivizuar më parë edhe ish-lojtari i Shqipërisë U-21, Endri Çekiçi, i cili tani luan në Slloveni. Klubi i madh kroat është gjithmonë në kërkim të talenteve, që më pas i shet në skuadra të njohura të kampionateve të forta, duke përfituar të ardhura të shumta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje