.png)
Gazeta Si – Një person qëlloi disa të shtëna me armë zjarri, duke plagosur “shumë njerëz” në kampusin universitar të Heidelberg, Gjermani. Lajmi është bërë i ditur nga policia lokale, e cila ka sqaruar gjithashtu se autori është vetëvrarë.
Aktualisht nuk ka detaje mbi arsyet e sulmit, as se si ai vdiq (sipas Bild, ai i u vetëvra), as se sa rëndë u plagosën personat e përfshirë nga të shtënat.
Sipas informacioneve paraprake, sulmi ka ndodhur rreth mesditës, brenda një auditori, ku agresori dyshohet e ka përdorur një pushkë ose një mitraloz.
Zona e kampusit të Universitetit të Heidelberg – një nga më të njohurit në Gjermani – ndodhet në Neuenheimer Feld, në periferi të qytetit të vjetër dhe është blinduar plotësisht nga policia.
Autori i të shtënave mësohet se është student, sipas raportimeve të agjencisë gjermane Dpa, duke cituar burime sigurie, sipas të cilave i riu nuk kishte motive politike apo fetare për aktin e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje