.png)
Kremlini po ruan kërkesat e tij politike maksimaliste në negociatat e vazhdueshme me Ukrainën dhe nuk ka gjasa t’i zbusë ato pavarësisht se ushtria ruse nuk arrin të arrijë objektivat e saj.
Presidenti rus Vladimir Putin përsëriti kërkesat politike të Rusisë në një telefonatë me presidentin turk Rexhep Tajip Erdogan më 17 mars.
Kremlini kërkon që Ukraina të bëhet “neutrale” duke hequr dorë nga ambiciet e anëtarësimit në NATO, të çmilitarizohet duke ndërprerë të gjithë ndihmën ushtarake perëndimore ose shitjet e armëve për Ukrainën dhe të “denazifikohet”.
Ministri i Jashtëm rus Sergey Lavrov e përkufizoi “denazifikimin” e Ukrainës si heqjen e çdo ligji që diskriminon popullsinë rusisht-folëse më 18 mars – hera e parë që një zyrtar i lartë i Kremlinit ka deklaruar publikisht përkufizimin e Kremlinit për “denazifikimin” ukrainas.
Putin gjithashtu deklaroi se negociatorët ukrainas duhet t’i zgjidhin këto çështje përpara se ai të angazhohet në negociata në nivel lidershipi me presidentin ukrainas Volodymyr Zelensky për statusin e Krimesë dhe Donbasit.
Zëdhënësi i Kremlinit Dmitry Peskov akuzoi Ukrainën më 18 mars për zgjatjen e negociatave dhe vonimin e një marrëveshjeje me Rusinë.
Përpjekjet e ndërmjetësimit turk nuk kanë gjasa të çojnë në një armëpushim midis Ukrainës dhe Rusisë. Presidenti ukrainas Volodymyr Zelensky bëri thirrje për negociata të drejtpërdrejta me presidentin rus Vladimir Putin më 19 mars, por kryekëshilltari i presidentit turk Ibrahim Kalin deklaroi se Putin nuk ishte gati për bisedime të tilla.
Ministri i Jashtëm turk Mevlut Cavusoglu pretendoi se Rusia dhe Ukraina ishin afër një marrëveshjeje për “çështjet kritike” më 20 mars, duke sinjalizuar ndoshta një armëpushim. Megjithatë, kryenegociatori ukrainas Mikhalo Podolyak tha më 17 mars se negociatat për “pikat e diskutueshme” mund të zgjasin diku nga disa ditë deri në një javë e gjysmë, dhe Peskov mohoi që negociatorët aktualisht po shqyrtojnë një armëpushim më 21 mars.
Negociatorët ukrainas dhe zyrtarët e qeverisë po sinjalizojnë se po përgatiten për të pranuar aspiratat e anëtarësimit në NATO, por ka shumë pak gjasa që të përmbushin lëshimet e tjera të kërkuara nga Rusia.
Presidenti Zelensky sinjalizoi se është i gatshëm të marrë në konsideratë një politikë neutraliteti ukrainas në këmbim të garancive të tjera të sigurisë nga shtetet perëndimore gjatë një interviste me CNN më 20 mars.
Zelensky deklaroi më 20 mars se Ukraina nuk do të pajtohet me asnjë marrëveshje që e detyron atë të dorëzojë territorin ose sovranitetin. Zelensky tha gjithashtu më 21 mars se çdo marrëveshje me Rusinë do t’i nënshtrohej një referendumi mbarëkombëtar përpara se të miratohej. Ukraina ka shumë pak gjasa të bëjë ndonjë lëshim të madh ndaj Rusisë për shkak të ngërçit aktual ushtarak dhe dështimit të planeve fillestare të fushatës ruse. Gjithashtu, popullsia ukrainase ka shumë pak gjasa të mbështesë ndonjë lëshim të madh ndaj Rusisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje