.png)
“Merkato? Do të doja të blinim Maradonën, por ka vdekur. Për fat të keq, është kështu”. Nuk është hera e parë që trajneri francez, Rajmond Domenek, bëhet protagonist me frazat e tij të pagoditura. Ish-trajneri i Francës këtë herë e ka katranosur keq, duke dashur të bëjë ironi me përgjigjen.
Fjalët e tij, duke iu referuar Maradonës, legjendës argjentinase që u nda nga jeta pak kohë më parë, kanë lënë një shije shumë të keqe, siç bën me dije “L’Equipe”. Trajneri ishte duke folur për merkaton e skuadrës që drejton, Nantës, në prag të ndeshjes së kampionatit me Montpeljenë.
“Zhan Lukas refuzoi të vinte te ne? Nuk e di, sepse nuk e kam ndjekur këtë çështje. Tani është i Brestit dhe pikë. Kështu e ka jeta. Për mua merkatoja është një plagë, diçka që shqetëson gjithmonë një grup të tërë”, – tha më tej Domenek, i cili kthehet të drejtojë një skuadër pas një kohe të gjatë pushimi, që kur u largua nga stoli i “gjelave”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje