.png)
A do të mandatojë partinë apo koalicionin e parë fitues? Presidenti i Republikës, Ilir Meta, ndryshe nga opozita përfshi edhe Monika Kryemadhin që e ka dhënë përgjigjen, është treguar më i rezervuar në konferencën për shtyp. Sipas tij, njerëzit duhet vetëm të votojnë, të mos i besojnë sondazheve sepse mund të ketë edhe surpriza
“Dua t’ju jap një përgjigje tepër parimore, në këtë garë ka shumë koalicione dhe forca politike. Është shumë e rëndësishme që qytetarët të nisen drejt qendrave të votimit, të vendosin se kë do zgjedhin.
Për mua është e rëndësishme që procesi të jetë tërësisht transparent, vota e qytetarit të jetë e barabartë.
Do të informojmë opinionin publik për figurat që përfshihen në krime zgjedhore.
Do bëjmë çdo gjë do gjë për të pasur zgjedhje demokratike, të ndershme, Do të bëjmë çdo gjë për të ndëshkuar në mënyrën më të merituar cilindo që do përpiqet jo vetëm të preki një votë, por të largojë Shqipërinë nga Europa e bashkuar. Zgjedhjet janë kryekushti, mos besoni asnjë propagandë të gënjeshtër. Qytetarët të mos ndikohen as nga sondazhet e oligarkisë për të krijuar idenë e mosndryshimit, por të kenë mundësinë se vota është mundësia e tyre e vetme në demokraci.
Zgjedhjet e 25 prillit janë të rëndësishme, jo vetëm për 4 vitet që vijnë, por për 100 vitet që vijnë”, tha presidenti Meta.
“Të mos paragjykojmë rezultatet e zgjedhjeve. Mund të ketë surpriza, duhet tua lëmë qytetarëve të Shqipërisë. Të shprehet e lirë, dhe të informohen të gjithë për figurat që përbëjnë krim zgjedhor, që u tha qartë edhe dje nga PE që nuk do të tolerohet”, u shpreh ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje