.png)
Për herë të parë, në një çerek shekulli, Donald Trump del nga “The Forbes 400”, renditja e amerikanëve më të pasur në vend.
Ai hyn në vitin 1997 dhe mbetet mes më të pasurve deri në vitin 2016. Rënia fillon pikërisht në vitin në të cilin ai fiton presidencën, një rënie e qëndrueshme për 5 vjet dhe tani ndodhet jashtë listës.
400 milionë dollarë nën pragun e nevojshëm, duhen për të qenë pjesë e tij. Sot pasuritë e ish-manjatit janë 2.5 miliardë dollarë.
Çfarë ndodhi – Trump nuk ka asgjë për të fajësuar përveç vetes. Gjatë pandemisë, aksionet e teknologjisë, kriptovalutat, tregjet më pak tradicionale lulëzuan, më me pak fat ishin pronat e pasurive të patundshme në qytetet e mëdha, pasuritë e vërteta të Donald Trump.
Në fakt, ai duhet të kishte shfrytëzuar rastin pesë vjet më parë, kur zyrtarët federalë të etikës, e shtynë që ai të konvertonte pasuritë e tij të paluajtshme pas zgjedhjeve të vitit 2016. Një mundësi për të riinvestuar, diversifikuar pasuritë dhe në të njëjtën kohë për të marrë pozicione larg konfliktit të interesit.
Por Trumpi tha “jo” dhe mban asetet me vlerë 3.5 miliardë dollarë në atë kohë. Ish-presidenti, mbahet nga taksat mbi fitimet kapitale, ato që do të duhej të paguante nëse do të kishte shitur gjithçka në vitin 2016.
Por do të kishte qenë vetëm një kosto fillestare, sepse Trump i ka bërë llogaritë gabim. Revista “Forbes” përpiqet t’i shpjegojë.
Studimi i “Forbes” – Llogaritjet çojnë në një rezultat: nëse Trump do të kishte shitur pasuritë e tij të paluajtshme sot, pasuritë e tij do të ishin 7 miliardë. Sipas revistës, në fakt, edhe duke marrë parasysh skenarin më të keq, domethënë pagimin e taksës maksimale të mundshme mbi fitimet kapitale, (23.8% për qeverinë federale dhe 8.8% për autoritetet e shtetit të Nju Jorkut), Trump do të kishte humbur rreth 1.1 miliard dollarë.
Nëse do t’i zbriste ato nga pasuritë e tij fillestare, atij do t’i kishin mbetur 2.4 miliardë. Tani, nëse Trump do t’i kishte investuar ato 2.4 miliardë në fonde indeksi, 550 ShtP për shembull, siç sugjeron “Forbes”, pasuria e tij do të kishte arritur 4.5 miliardë. Përmbledhur: ish-presidenti do të ishte 80% më i pasur se tani dhe nuk do të kishte humbur 2 miliardë dollarë.
Çfarë do të kishte ndodhur – Pastaj në realitet, “Forbes” merr parasysh situatën më të keqe të mundshme, por Trumpit mund t’i kishte shkuar edhe më mirë.
Ish-presidenti mund ta kishte “anashkaluar” lehtësisht tatimin mbi fitimet kapitale ose të paktën ta kishte amortizuar atë.
Kodi federal i taksave amerikane në fakt, parashikon që punonjësit publikë, mund të heqin qafe pronën e tyre pa u shtypur nga taksat, falë një dokumenti: certifikatën e shitjes.
Një mënyrë për të stimuluar shitjen dhe për të shmangur ngërçin e konfliktit të interesit.
Pra, duke marrë parasysh situatat më të mira të mundshme, gjërat do të kishin dalë shumë ndryshe për ish-presidentin amerikan.
Nëse Trump do të kishte arritur ta shiste, ndoshta do të shmangte taksat mbi fitimet kapitale dhe të investonte në mënyrë inteligjente dhe pasuritë e tij tani do të ishin me vlerë 7 miliardë dollarë.
Kush është njeriu më i pasur në SHBA – Personi më i pasur në Amerikë, për të katërtin vit radhazi, është Jeff Bezos. Kjo shënon herën e parë që dikush në The Forbes 400 ka vlerë 200 miliardë dollarë ose më shumë. Në vendin e dytë është Elon Musk, me vlerë 190.5 miliardë dollarë.
Mark Zuckerberg zuri vendin e tretë, falë një rritjeje prej 63% të aksioneve të Facebook që nga lista e vitit të kaluar. Bill Gates renditet në vendin e katërt, hera e parë që ai nuk ka qenë në një nga dy vendet e para në tre dekada.
Gates dhe Melinda French Gates njoftuan në maj se u divorcuan pas 27 vitesh; menjëherë pasi ai i transferoi asaj aksione me vlerë rreth 5.7 miliardë dollarë në kompani si Deere & Co dhe Canadian Railëay. Melinda French Gates shfaqet në Forbes 400 për herë të parë këtë vit në Nr. 158 me një vlerë prej 6.3 miliardë dollarë.
Gjithsej ishin 44 të sapoardhur në renditje, më i pasuri prej të cilëve është sipërmarrësi 29-vjeçar i kriptomonedhës Sam Bankman-Fried, me vlerë 22.5 miliardë dollarë.
Ai është anëtari më i ri i listës dhe i sapoardhuri më i pasur në historinë e The Forbes 400. Dy konkurrentë-Brian Armstrong dhe Fred Ehrsam, bashkëthemeluesit e shkëmbimit të kriptomonedhës Coinbase Global-gjithashtu i bashkohen listës 400 për herë të parë, pas publikut.
Një tjetër i sapoardhur është RJ Scaringe, themeluesi i Rivian, i cili po punon privatisht për të prodhuar kamionë dhe SUV -të elektrike dhe numëron Amazon dhe Ford si investitorë.
Përshtati në shqip: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje