.png)
Dorëheqja e Zoran Zaev nga posti i Kryeministrit të Maqedonisë së Veriut nuk ka ngritur paqartësi politike vetëm në Shkup, por edhe në lidhje me Ballkanin e Hapur dhe angazhimit maqedonas në të ardhmen në këtë nismë.
Por, zv.Kryeministri Nikolla Dimitrov thotë se edhe në rast të ardhjes se VMRO-DPMNE-së në pushtet, nuk beson se qëndrimi i Shkupit ndaj Ballkanit të Hapur do të ndryshojë.
“Nuk shoh asnjë rrezik për të dalë jashtë. Është me rëndësi që vendi të mbetet pjesë e kësaj nisme. Është me rëndësi për zhvillimin tonë dhe të ardhmen e rajonit”, tha Dimitrov në konferencën e përbashkët për shtyp me Aleksandër Vuçiç dhe Edi Ramën pas përfundimit të samitit të Beogradit.
Dimitrov e bazon këtë bindje te mbështetja, që siç tha, ka kjo nismë te qytetarët maqedonas.
“Maqedonasit duan të ecin përpara dhe kjo bëhet me bashkëpunimin rajonal dhe fqinjësinë e mirë dhe unë besoj që në këtë rast dhe vullneti i qytetarëve është i tillë që kushdo që do të vijë në detyrë do të duhet të ecë përpara përmes bashkëpunimit me të ngushtë me fqinjët tanë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje