.png)
Një nga njerëzit më të pasur të Rusisë ka dhënë dorëheqjen si drejtuesi kryesor i Lukoil.
Ajo është kompania e dytë më e madhe e naftës në vend.
Në një deklaratë të shkurtër të enjten, Lukoil tha se Vagit Alekperov informoi kompaninë “për vendimin e tij për tu dorëhequr” si drejtor dhe president i kompanisë.
Kompania nuk njoftoi arsyen e dorëheqjes së Alekperov.
Por njoftimi vjen vetëm disa ditë pasi ai u sanksionua nga Mbretëria e Bashkuar dhe shtatë javë pasi Lukoil (LUKOY) ndërpreu marrëdhëniet me Presidentin Vladimir Putin dhe bëri thirrje për t’i dhënë fund luftës së Rusisë në Ukrainë.
Reuters raportoi se Alekperov kishte vendosur të largohej, pas sanksioneve, për të mbrojtur operimin e kompanisë, duke cituar një burim të njohur mbi këtë çështje.
Lukoil prodhon më shumë se 2% të naftës së papërpunuar në botë dhe punëson mbi 100,000 njerëz.
Kompania ka operim në dhjetëra vende dhe është kompania e dytë më e madhe e naftës në Rusi pas gjigantit shtetëror Rosneft.
Në një deklaratë për aksionerët, stafin dhe klientët në fillim të marsit, bordi i drejtorëve të Lukoil tha se “po bënte thirrje për përfundimin sa më të shpejtë të konfliktit të armatosur”.
“Ne shprehim ndjeshmërinë tonë për të gjitha viktimat që janë prekur nga kjo tragjedi. Ne mbështesim fuqimisht një armëpushim të qëndrueshëm dhe një zgjidhje të problemeve përmes negociatave serioze dhe diplomacisë,” shtoi bordi.
lekperov vlen rreth 16 miliardë dollarë, sipas Indeksit të Miliarderëve të Bloomberg.
Në fillim të këtij muaji, Mbretëria e Bashkuar ngriu asetet e tij dhe i ndaloi hyrjen në vend.
Lukoil tha të enjten se që nga 31 marsi, Alekperov zotëronte pak më shumë se 3.1% të aksioneve të kompanisë, plus 5.4% të tjera nëpërmjet trusteve të familjes ose fondeve të përbashkëta pa të drejtë vote.
“Prandaj, Vagit Alekperov nuk është një aksioner kontrollues,” shtoi kompania.
Lukoil tani përballet me sfida të mëdha pasi tregtarët dhe kompanitë e naftës i shmangen naftës së papërpunuar ruse.
Jeta mund të bëhet edhe më e ashpër së shpejti me Evropën që mendon t’i bashkohet një ndalimi të udhëhequr nga SHBA për naftën ruse.
Aksionet e Lukoil të listuara në Moskë kanë humbur afërsisht 28% të vlerës së tyre që nga pushtimi.
Ato ranë më shumë se 2% të enjten.
Gjigandi i naftës është përballur me thirrje për bojkot në Shtetet e Bashkuara, ku ka 230 pika benzine të Lukoil në pronësi të franshizave amerikanë.
Shumica e stacioneve të shërbimit që mbajnë markën Lukoil janë në Nju Jork, Nju Xhersi dhe Pensilvani.
Marre nga Cnn.com/ Pershtati ne shqip Gazetasi.al
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje