.png)
Frieburgu i shkakton humbjen e parë Borussias së Dortmundit në këtë sezon të Bundesligës. Verdhezinjtë u ndalën 2-1 në “Dreisamstadion”, ku vendësit kaluan në epërsi që në minutën e gjashtë me Grifon, duke kushtëzuar sjelljen taktike të skuadrave në fushë.
Pjesa e parë u mbyll me avantazhin minimal të Frieburgut, ndërsa në 8 minuta pas fillimit të fraksionit të dytë Sallai, i shërbyer nga Holer, i dha goditjen e dytë Dortmundit, që u duk se mund ta shmangte humbjen kur Keitel devijoi topin në mënyrë të pavullnetshme në portën e tij në të 59-ën.
Halaand me shokë patën 35 minuta në dispozicion për të realizuar golin e barazimit e për të synuar përmbysjen, por në minutat në vazhdim nuk pati ndryshim rezultati, me Frieburgun që u mbrojt me fanatizëm, duke siguruar fitoren e parë në kampionat, pas atij barazimi 0-0 në start në fushën e Arminias së Bielefeldit.
Merr kryesimin e Bundesligës me pikë të plota në dy ndeshje Wolfsburgu, që fitoi 2-1 në fushën e Herthas së Berlinit, e cila bëhet skuadra e parë që pëson dy humbje që në start. Lukebakio zhbllokoi rezultatin në minutën e 60-të, duke u dhënë epërsinë berlinezëve, por “Ujqërit” reaguan shpejt duke barazuar me Baku në të 70-tën, ndërsa golin e fitores për miqtë e realizoi Nmecha 2 minuta para fundit të kohës së rregullt.
Rezultatet:
Bochum – Mainz 2-0
Eintracht Frankfurt – Augsburg 0-0
Freiburg – Dortmund 2-1
Greuther Furth – Arminia Bielefeld 1-1
Hertha Berlin – Wolfsburg 1-2
Bayer Leverkusen – B. Monchengladbach
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje