.png)
Kryetari i Lëvizjes Serbe të Ripërtëritjes (SPO), Vuk Drashkoviç, i tha “H1” se Serbia duhet të distancohet nga Rusia dhe Putini, ose siç tha ai do të bëhet “Venezuela ose Siria ballkanike”.
Ai u shpreh se duhet të shkohet në anën e qytetëruar të botës.
Duhet të shkojmë në anën e qytetëruar të botës dhe një ditë Rusia do të kthehet, kur e keqja të ketë mbaruar, kur njerëz të rinj të udhëheqin Rusinë dhe ajo do të kthehet në anën e qytetëruar të botës”, tha ai.
Ai tha se është shqetësuese që shumica e serbëve janë kundër sanksioneve ndaj Rusisë.
“Është një fakt alarmant, 80 për qind e qytetarëve serbë janë kundër çdo sanksioni, kundër regjimit të Kremlinit. Këta janë njerëz që mbështesin agresionin e Putinit kundër Ukrainës, duke e mbështjellë atë me vëllazëri historike dhe besnikëri ndaj popullit rus”, tha Drashkoviçi.
Mirëpo, ai tha se nuk është e vështirë të shpjegohen arsyet e një qëndrimi të tillë të qytetarëve serb, transmeton Klankosova.
“Putini shpalli agresionin kundër Ukrainës me fjalët se Ukraina është një gabim historik, një shtet i rremë që nuk duhet të ekzistojë. Para deklaratës së Putinit, propaganda e KGB-së, UDB-së serbo-ruse, përsëriste pa pushim këtu se BeH është shtet fals, se Kosova është shtet fals, se Mali i Zi është gabim historik. Këta njerëz nuk janë për evropianizimin e Ballkanit, ata janë për Putinizimin e Ballkanit”, theksoi Drashkoviç,
i pyetur se pse Ballkani është kaq interesant për fuqitë e mëdha, si ato në lindje, ashtu edhe në perëndim, Drashkoviç tha se ai ishte duke folur për një “qasje civilizuese”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje