.png)
Një agjenci e re që do të luftojë pastrimin e parave dhe do të monitorojë zbatimin e rregullave të reja të transparencës për transferimet e kriptoaseteve pritet të ngrihet nga Bashkimi Europian. Në këtë mënyrë, Blloku u përgjigjet thirrjeve për veprim më të ashpër në lluftën kundër pastrimit të parave.
Europa është vënë nën presion për të rritur zbatimin e rregullave kundër pastrimit të parave pasi disa vende filluan hetimin e Danske Bank për një shumë mbi 200 miliardë euro të dyshimta që kaluan nëpër degën e saj të vogël estoneze midis 2007 dhe 2015. Duke mos pasur ndonjë autoritet paneuropian për të ndaluar paratë e pista, Brukseli është mbështetur në rregullatorët kombëtarë për të zbatuar rregullat e tij, por ato jo gjithmonë kanë bashkëpunuar plotësisht.
“Pastrimi i parave, financimi i terrorizmit dhe krimi i organizuar mbeten probleme të rëndësishme që duhet të adresohen në nivelin e Bashkimit Europian”, thuhet në disa dokumente te zbardhura nga Reuters.
Autoriteti Kundër Pastrimit të Parave (AMLA) që do të bëhet “pjesa qendrore” e një sistemi mbikëqyrës të integruar, në përbërje të të cilit janë autoritetet kombëtare. Rregullat e BE kundër pastrimit të parave do të bëhen të detyrueshme për vendet anëtare, në mënyrë që shkelësit e ligjit të mos shfrytëzojnë hapësirat ligjore midis rregullatorëve kombëtarë.
Një propozim tjetër ka të bëjë me kërkesa të reja të BE për ofruesit e shërbimeve në kriptomonedhave, në mënyrë që të dhënat e mbledhura për krijuesit dhe përfituesit e transfertave të kësaj natyre të bëhen të aksesueshme. Transferimet e aseteve të tilla virtuale janë aktualisht jashtë fushës së rregullave të BE-së për shërbimet financiare.
“Mungesa e rregullave të tilla i lë zotëruesit e pasurive në kriptovalutë të ekspozuar ndaj pastrimit të parave dhe financimit të rreziqeve të terrorizmit, pasi flukset e parave të paligjshme mund të bëhen përmes këtyre transfertave”, thuhet në dokumente.
Sven Giegold, një anëtar i Partisë së Gjelbër Gjermane të Parlamentit Evropian, tha se Komisioni Evropian ka përgatitur një paketë të fortë kundër pastrimit të parave. Parlamenti dhe shtetet e BE do të kenë fjalën e fundit mbi rregullat e propozuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje