.png)
Tare dhe Lotito janë vënë në qendër të kritikave nga tifozët e Lacios, pasi ata prisnin goditje të mëdha në merkato, ndërkohë që kanë ardhur lojtarë të dorës së dytë. Në këtë situatë, presidenti Lotito ka vendosur të shpenzojë dhe drejtori sportiv Tare duket se e ka gati goditjen e bujshme.
Pas spanjollit Kalehon të Napolit, Tare ka vënë në shënjestër një gjerman, Julian Draksler të PSG-së, i cili nuk ka hapësira me parisienët dhe mund të transferohet në Serinë A. Alternativa të tjera për Taren janë Lingard i Mançester Junajitd dhe Stefan El Sharaui.
Nuk janë operacione të lehta dhe Tare po sheh variantin më të mirë, pasi synon që të afrojë në skuadër të paktën një lojtar të rëndësishëm në krahët e sulmit, që ta ndihmojë Lacion edhe në Ligën e Kampionëve. Fiksimi i Tares është Draksler, por përveçse duhet të zgjidhë çështjen e pagës, – gjermani merr rreth 5 milionë euro në vit, – drejtuesi shqiptar i Lacios duhet të fitojë edhe konkurrencën me Zenitin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje