.png)
Policia e Durrësit ka vënë në pranga 5 shtetas për vepra të ndryshme penale.
Tre të rinj janë arrestuar, pasi akuzohen se prishën rendin dhe qetësinë publike.
Në pranga kanë përfunduar edhe dy të tjerë, një 49-vjeçar pasi drejtonte mjetin në gjendje të dehur. Gjithashtu arrestohet edhe një 44-vjeçar, për veprën penale “Vjedhja e mbetur në tentativë”.
Tre të rinjtë kishin prishur rendin e qetësinë dhe kishin dëmtuar disa sende dhe kanë kundërshtuar punonjësit e Policisë.
Bëhet fjalë për shtetasit me inicialet A. A., 24 vjeç, F. Sh., 21 vjeç dhe E. K., 25 vjeç, i dënuar më parë për veprën penale “Vjedhja”, ndërsa akuzohen për veprat penale “Kundërshtim i punonjësit të policisë”, “Prishja e qetësisë publike”.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje