.png)
Babë e bir, respektivisht 55-vjeç dhe 17-vjeç, janë ndaluar në Manëz të Durrësit për shkak se akuzohen se kanë dhunuar e kërcënuar me armë zjarri djalin tjetër të familjes, D.C. Sipas policisë, në pranga ka rënë F.C., dhe u procedua penalisht djali i tij, shtetasi E.C., banues në Sukth, Durrës.
Policia gjeti dhe sekuestroi në cilësinë e provës materiale 370 fishekë, 3 krehra, armë e ftohtë (thikë) dhe pjesë të armës së zjarrit (të cilat i kishin hedhur në lumin Erzen).
Gjatë momentit të konstatimit të tyre dhe shoqërimit, babë e bir kanë kundërshtuar me forcë edhe shërbimet e policisë.
Ata akuzohen për veprat penale “Dhuna në familje”, “Mbajtja pa leje dhe prodhimi i armëve, armëve shpërthyese dhe i municionit”, “Mbajtja pa leje e armëve të ftohta” dhe “Kundërshtimi i punonjësit të Policisë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje