.png)
Mali i Zi ka shpallur planin e lehtësimit të masave të ndërmarra për shkak të pandemisë, pas rënies së theksuar të të infektuarve me COVID-19. Lëvizja e qytetarëve u lejua deri në orën 11 të mbrëmjes, kurse dyqanet do të punojnë deri në orën 10 të mbrëmjes. Po ashtu u hoqën edhe masat e veçanta dhe kufizuese që ishin në fuqi prej 24 marsit për banorët e Komunës së Tuzit.
Drejtori i Institutit të Shëndetit Publik Dr. Boban Mugosha duke paraqitur të dhënat më të reja tha se epidemia e koronavirusit ëhstë nën kontrolle dhe se numri i të infektuarve, ditëve të fundit shënoi një rënie.
“Këtë rezultat të mirë në luftën ndaj koronavirusit e tregon kurba e epidemisë i ku vërehet një rënie e personave të infektuar dhe rritja e numrit të personave të shëruar”, tha Dr. Mugosha.
Ai vlerësoi disiplinën e banorëve të Tuzit duke theksuar se epidemia në këtë zonë është nën kontrolle të plotë.
“Në Qendrën Klinike të malit të Zi janë shëruar personat e infektuar nga Tuzi në mënyrë shumë të suksesshme. Nga kjo zonë janë shëruar 30 persona, kurse në proces shërimi janë edhe 7 persona tjerë, gjë e cila tregon se epidemia në Tuz është ndaluar”, tha Mugosha.
Kjo sipas tij tregon se vetdisiplinën e banorëve që u bë shembulli më i mirë në Mal të Zi në luftën kundër COVID-19.
Masat e para parandaluese në Mal të Zi janë vendosur me 10 mars, kur autoritetet shëndetësore vendosen ndalimin e udhëtimit në vendet e prekura nga koronavirusi, ndërsa pas shfaqjes së rastit të parë të infektuar me COVID-19, masat kufizuese kanë ardhur duke u shtrënguar.
Mali i zi ka 320 raste dhe gjashtë të vdekur, por numri i rasteve të reja ka ardhur duke u ulur ndjeshëm.,
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje