.png)
Pesë ditë pas tentativës për arratisje të Arbër Çekajt dhe Fatmir Pjetrit nga burgu 313 janë pezulluar nga detyra 6 punonjës policie.
Sipas News24, Gëzim Ramushi, Sajmir Shahini, Bashkim Muca, Oldi Myzyri, Redion Maloku dhe Edmon Prenga dyshohet se me veprimet apo mosveprimet e tyre kanë kontribuar në planin e arratisjes.
Mësohet se dyshimet janë ngritur nga Prokuroria e Tiranës, ndërsa hetimet për këtë rast vazhdojnë.
Arbër Çekaj, Fatmir Pjetri dhe Lulzim Çepele ishin tre protagonistët e planit të arratisjes.
Çepele preu damarët për të tërhequr vëmendjen teksa menjëherë Çekaj dhe Pjetri nisën zbatimin e planit duke vënë në punë një çengel hekuri dhe disa çarçafë të improvizuar si litarë.
Plani i tyre dështoi dhe ata u arrestuan. Në dëshminë e disa punonjësve të burgut u tha se të dënuarit goditën dhe dhunuan policë të cilët u përpoqën ti ndalonin.
Në rrëfimet e tyre, fajin e arratisjes e mori përsipër Fatmir Pjetri. Ndërsa Lulzim Çepele ka thënë se nuk kishte dijeni për planin. Arbër Çekaj nga ana e tij theksoi se e ndoqi Pjetrin, por më pas u kthjellua dhe nuk vijoi më tej.
Një ditë më parë, tre të dënuarit u lanë në masën e sigurisë arrest me burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje