.png)
Një mjeke në maternitetin e Pogradecit është vënë nën hetim, pasi dyshohet se ka neglizhuar në trajtimin e nevojshëm mjekësor të një foshnjeje pas lindjes së saj.
Policia e Pogradecit thotë se mjekja me iniciale G.Sh., 51 vjeçe ka ndjekur lindjen e një qytetareje, por dyshohet se nuk ka vepruar si duhet me foshnjën pas lindjes, pas probleme të shfaqura.
Edhe pse është dërguar në Tiranë për mjekim më të specializuar, foshnja e qytetares D.Y., ka ndërruar jetë.
Mësohet se foshnja ka lindur 24-javëshe dhe në kartelë është shkruar si abort. Pas lindjes fëmija nuk ka qarë dhe stafi e ka vendosur në një kuti, duke e konsideruar pa jetë.
Por ka qenë i ati i foshnjës, ai që pas pak orësh, pasi ka hyrë në dhomën ku po qëndronte e sapolindura, ka dëgjuar të qarat e saj. Foshnja u dërgua menjëherë në maternitetin e Tiranës, por nuk mundi të mbijetonte, duke ndërruar jetë më 21 korrik.
Policia sekuestroi kartelën mjekësore dhe mori deklarimin e mjekes, ndërkohë që të hënën është dërguar dosja në Prokurorinë e Pogradecit për veprime të mëtejshme
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje