.png)
“Ëndrra e Fiorentinës është Fatih Terim”. Ky është titulli i artikullit të publikuar nga “Sporx”, një sit lajmesh sportive në Turqi. Në brendësi të artikullit shkruhet se ka pasur edhe kontakte mes drejtuesve të klubit nga Firence për rikthimin pas shumë vitesh të trajnerit të njohur turk, i mbiquajtur “Perandori”.
Terim, i cili aktualisht drejton Gallatasarajin, një nga skuadrat më të mëdha turke, ka marrë kohë para se të japë një përgjigje në lidhje me disponibilitetin e tij. Do të ishte vërtet një rikthim i bujshëm në Itali për turkun, por për momentin duket e vështirë që kjo gjë të ndodhë.
Kujtojmë që Fatih Terim, ish-trajner i kombëtares turke, e ka drejtuar Fiorentinën ekzaktësisht 20 vjet më pare. Ai nuk mundi ta çonte sezonin deri në fund, sepse dha dorëheqjen për shkak të disa përplasjeve me Çeki Gorin, presidentin e atëhershëm të Fiorentinës. Terim në Serinë A ka drejtuar edhe ekipin e Milanit për një periudhë të shkurtër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje