.png)
Kandidatja e PD-së për deputete në Kavajë, Grida Duma, paditi në gjykatë për shpifje kryebashkiakun e Tiranës, Erion Veliaj.
“I jemi drejtuar Gjykatës së Shkallës së Parë, Tiranë, Dhomës Penale sepse qëndron në detyrimin e shtetasit Erion Luan Veliaj të vërtetojë saktësinë e shpifjeve të tij. Dispozita ligjore është Neni 120, paragrafi 2 i Kodi Penal, dëmi do të shkojë deri në 3 milionë lekë të reja.
Unë deklaroj se ky dëm do t’i shkojë shtetit shqiptar dhe askujt tjetër. Drejtësia është besim. Vlera e fjalës nuk është një kështjellë rëre. Do të hedhim një tullë për të thënë boll më me mashtrime të hedhura në ajër…”, tha Duma.
Padia e ngritur ndaj kryebashkiakut lidhet me reagimin e Erion Veliajt, pas akuzave të ngritura nga Partia Demokratike ndaj tij për lidhje me mafien italiane. Veliaj e ka quajtur Grida Dumën “trafikante apartamentesh”.
“E vetmja gjë e paverifikuar për ne mbetet se si Grida Duma u bë investitore pallatesh vite më parë, duke përfunduar në gjyqe për mashtrime dhe duke lënë burgjeve partnerët e saj në biznes”, është shprehur Veliaj për Dumën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje