.png)
Sezonin e ardhshëm, të dy portierët e Kombëtares shqiptare, Tomas Strakosha dhe Etrit Berisha, do t’i shohim në Ligën e Kampionëve me klubet e tyre. I sigurt është Strakosha, pasi Lacio, sido që të shkojë fundi i këtij kampionati, e ka prenotuar një vend në kompeticionin madhor të klubeve në Europë. Lacio mban vendin e dytë, por është në garë bindshëm edhe për titullin kampion në Itali.
Një vend në Ligën e Kampionëve, sipas të gjitha gjasave, do ta zërë edhe Atalanta e mbrojtësit kuqezi, Berat Gjimshiti. Por te kjo skuadër, aktualisht e katërta në renditje, mund të kthehet së shpejti edhe portieri Etrit Berisha, pjesë e Spalit që qëndron në fundin e renditjes. Portieri aktual i bergamaskëve, Golini, është një nga më të kërkuarit në treg, pasi ka spikatur kohët e fundit dhe klubet e mëdha janë vënë në garë për të. Trajneri Gasperini kërkon t’i paraprijë situatës dhe i parapëlqyeri i tij për zëvendësuesin e Golinit, sipas shtypit italian, është pikërisht Berisha.
Do të ishte diçka fantastike që Berisha të kthehej në nivele të tilla të larta në rang klubesh. Ai e njeh mjaft mirë ambientin tek Atalanta, pasi ka luajtur disa sezone me këtë skuadër dhe jo më kot trajneri Gaspoerini e dëshiron rikthimin e tij. Berisha ka treguar një formë shumë të mirë këtë sezon, duke qenë ndër portierët me mesataren më të lartë të pritjeve, por skuadra nuk e ka ndihmuar dhe ndarja me Spalin në verë është e sigurt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje