.png)
Në kohën kur shumica e studentëve janë ngritur në një revoltë masive kundër qeverisë por edhe universiteteve, një pjesë e figurave politike janë akuzuar se i kanë korrur sukseset e tyre akademike falë plagjiaturës.
Skandali i doktoraturave me plagjiaturë filloi me Ogerta Manastirliun, vazhdoi me Mimi Kodhelin dhe duket se ka marrë në valën e tij edhe Monika Kryemadhin. Ish-zëvëndësministri i arsimit, Taulant Muka shkruan ditën e sotme se pa një kërkimi në internet ka zbuluar se kryetarja e Lëvizjes Socialiste për Integrim ka dorëzuar një doktoraturë me plagjiaturë.
Ai shkruan se teza e doktoraturës së Kryemadhit, me titull “Analiza e sistemit të sigurimeve shoqërore në këndvështrimin ekonomik dhe Juridik” është dorëzuar pranë faktultetit të Ekonomisë, me udheheqes shkencor prof. dr. Dhori Kule.
Zonja Kryemadhi duket se e ka mbrojtur doktoraturën në vitin 2015 duke kopjuar dy kapituj nga një studim i njohur europian. “Plagjiatura e tezës së Kryemadhit është bërë duke kopuar pothuajse tërësisht dy kapituj nga libri “European Welfare States: Comparative Perspectives” me autor Mel Cousins, shtëpia botuese SAGE Publications, viti i publikimit 2005”, shkruan Muka në rrjetin social Facebook.
Sipas tij, ajo ka kopjuar kapitullin e dytë dhe të katër të këtij libri.
“Ky kapitull, përkon me kapitullin e parë të tezës së doktoratës se Monika Kryemadhit, faqet 17-30. Kapulli tjetër që ka kopjuar zonja Monika Kryemadhi është kapitulli i katërt i librit “European Welfare States: Comparative Perspectives”, faqet 59-73. Ky kapitull përkon me kapitullin e tretë të tezës së doktoraturës se Monika Kryemadhit, faqet 69-82, shkruan ish-zëvëndësministri.
Muka thekson ndër të tjera se zonja Kryemadhi nuk e ka cituar fare librin “European welfare States: Comparative Perspectives”, në fund të doktoratës, tek “literatura e huaj”
“Pra, sikur zonja Monika Kryemadhi të mos e kishte lexuar fare si libër”, përfundon Muka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje