.png)
“Rroftë Kosova!” Kështu e nisi fjalimin e saj para protestuesve Edit Harxhi.
Para qindra të pranishmëve, Harxhi tha se Ballkani i Hapur është një përrallë e shëmtuar që po na serviret si hyrja në Europë, por sipas saj nuk është asgjë tjetër veçse përfshirja në ish-Jugosllavi.
“Kanë nxjerrë Kroacinë dhe Slloveninë dhe po mundohen të fusin Shqipërinë, të joshin Kosovën e brishtë që ende nuk ka ulëse në OKB. Më lejoni të pyes Edi Ramën, sa njohje i ka dhënë Kosovës në këto 9 vite? Zero. Ka shëtitur disa herë në Beograd”, tha Harxhi, ndërsa nënvizoi se kombi ynë është në rrezik.
Sipas saj, “rreziku vjen nga Rama, Vuçiç dhe ata që paguajnë ata dhe u kanë vënë mision të djegin Ballkanin”.
Akuzat nuk i kurseu edhe ndaj Lulzim Bashës: “Ku ndodhet sot ish-kryetari i PD Lulzim Basha, gjoja nipi i Pejës? Në katër vite që është diskutuar territori i Kosovës ka bërë vetëm një deklaratë të mjerë”
Në fund dhe një paralajmërim për kryeministrin Rama dhe presidentin Vuçiç: “I them Edi Ramës dhe Aleksandër Vuçiç, për mua dhe miliona shqiptarë në Ballkan, Kosova është Jerusalemi ynë, Meka jonë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje