.png)
Evdar Kodheli prezantoi të hënën kandidaturën në primaret e Partisë Demokratike për Bashkinë Fier.
“Kam vendosur të hedh kandidaturën në primaret e Partisë Demokratike për Bashkinë Fier, sepse e ndjej detyrim qytetar dhe politik pjesëmarrjen në një proces që kthen votën. Unë besoj se vetëm nëpërmjet votës së lirë merr udhë edhe konkurrenca e lire, e cila siguron transparence, meritokraci dhe hierarki.
Kam vendosur të kandidoj i sigurt se: Nuk ka më kohë për këdo që e do Atdheun, e do Shqipërinë. Nuk ka më kohë të mendohemi se mbase ndryshimi vjen vetë. Nuk ka më kohë të bëjmë spektatorin. Nuk ka më kohë të lejojmë të kapemi nga politika e korruptuar. Nuk ka më kohë të drejtohemi nga pa-aftësia, neglizhenca, korrupsioni, dhe arroganca. Nuk ka më kohë të vazhdojë hemoragjia e largimit të të rinjve, zhvlerësimi i pedagogëve, mjekëve, apo çdo profesioni të lirë…”, tha ai.
Kodheli nuk vjen nga strukturat partiake. Ai sqaroi gjatë fjalës së tij prezantuese se ai është një përkrahës i PD
“Si përkrahës i Partisë Demokratike, si njeri i lire dhe pa paragjykime, apo i pakushtëzuar nga kundërshtaret politikë, vendosa te garoj si kandidat në Primaret që organizon Partia Demokratike për Kryetarin e Bashkisë Fier”
.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje