.png)
Pandemia e Covid-19 ka pasur një impakt negativ për të ardhurat e Juventusit. Sektori financiar i klubit italian bën me dije se simestri i parë i sezonit 2020-2021 është mbyllur me një humbje prej 113.7 milionë eurosh.
Në krijimin e kësaj situate ka ndikuar patjetër mbyllja e stadiumit për publikun dhe masat e tjera të marra nga autoritetet shëndetësore, pasi kanë penguar shitjen e produkteve. “Simestri i parë është penalizuar shumë, – si te të gjitha shoqëritë e këtij sektori, – nga pandemia e Covid-19 dhe masat që janë marrë për të.
Pandemia ka pasur ndikim të drejtpërdrejtë te të ardhuat nga ndeshjet dhe shitja e produkteve dhe licencave. Këto efekte negative janë kompensuar pjesërisht nga e drejta televizive. Bilanci për simestrin e parë të sezonit është -113.7 milionë euro”, – shkruhet në komunikatën zyrtare të klubit bardhezi. Sigurisht, humbje kanë pasur të gjithë klubet e futbollit gjatë kësaj periudhe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje