.png)
Ekstremistët në Parlamentin Europian kërkojnë që konferenca e parë ndërqeveritare Shqipëri-Bashkimi Europian të mos zhvillohet pa u zgjidhur më parë çështja e kufirit detar me Greqinë.
Eurodeputetja ekstremiste franceze, Dominique Bilde thotë se BE duhet të presë vendimin e gjykatave ndërkombëtare mbi këtë çështje, nisur nga njoftimi i dy vendeve për ta adresuar këtë problem në Gjykatën Ndërkombëtare të Hagës.
Bilde i rikthehet një deklarate të 2018-ës të Jean-Claude Juncker, në atë kohë President i Komisionit, që deklaronte se asnjë vend i ri nuk do të anëtarësohet nëse nuk ka zgjidhur çështjet e kufijve me fqinjët.
“Çështja e kufirit detar është burim tensioni mes dy vendev, siç u provua gjatë protestave të tetorit të organizuara nga PDIU dhe Vetëvendosje gjatë vizitës së ministrit të Jashtëm grek, Nikos Dendias në Tiranë”, thotë Bilde.
Bilde vlerëson si paradoks idenë e hapjes së negociatave për Shqipërinë, në një kohë që një shtet anëtar i BE-së formalisht është në gjendje lufte me të, duke iu referuar kështu Greqisë.
“Si mund ta justifikojë Komisioni hapjen e negociatave me Shqipërinë, në një kohë që ka një gjendje lufte formale mes këtij vendi dhe Greqisë, që prej vitit 1940?!”, deklaron ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje