.png)
Kjo e diel do të jetë ditë pushimi për futbollin në Belgjikë dhe Holandë. Një pushim i detyruar në fakt, për shkak të kushteve atmosferike, pasi në këto dy vende është parashikuar që të ketë erë të fortë, shpejtësia e së cilës do të shkojë deri në 120 kilometra në orë. Si Federata Holandeze e Futbollit, ashtu edhe Federata Belge e Futbollit, kanë gjykuar se në të tilla kushte nuk ka siguri, ndaj dhe kanë vendosur për pezullimin e ndeshjeve të sotme.
Në njoftimin zyrtar të Federatës Holandeze shkruhet: “KNVB (Federata Holandeze e Futbollit) vendosi të shtyjë ndeshjet e kampionatit të programuara për të dielën, më 9 shkurt, sepse në vendin tonë vjen cikloni “Ciara”, ku shpejtësia e erës mund të shkojë në 120 km/h, duke vënë në rrezik spektatorët dhe lojtarët”.
Kështu, në Holandë sot nuk do të luhen ndeshje si Utreht-Ajaks, Sparta Roterdam-Ado Den Hag, Az Alkmar-Fejnord dhe Emen-Tuente. “Në fund të mbledhjes me të gjithë klubet, autoritetet lokale dhe policinë, – bën të ditur më tej KNVB, – është arritur në konkluzionin se siguria e publikut dhe lojtarëve nuk është e garantuar për shkak të kushteve të motit”. Edhe në Belgjikë sot nuk do të luhet futboll.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje