.png)
Etrit Berisha ka zbarkuar në Torino për t’u bërë zyrtarisht pjesë e kësaj skuadre. Portieri i Kombëtares shqiptare ka kryer vizitat mjekësore gjatë paradites në stadiumin “Olimpico Grande Torino”.
Tani pritet vetëm që klubi torinez të zyrtarizojë blerjen e portierit kuqezi, që vjen pas përvojës me Spalin në Serinë B. Për Torinoin është një operacion me kosto zero, pasi Berishës i ka përfunduar kontrata me Spalin. Ai do të jetë afrimi i parë i Torinos në merkaton e verës.
Berisha kthehet kështu në Serinë A, ku ka provuar të luajë me fanellën e Lacios dhe të Atalantës. Te Torino ai gjen dy shqiptarë të tjerë, Mërgim Vojvodën dhe Samir Ujaknin, që të dy pjesë e Kosovës. Përvoja dhe paraqitja e Berishës në sezonin e fundit i ka bindur drejtuesit e Torinos për ta afruar në skuadër.
Për Berishën ka dalë garant edhe ish-trajneri i Kombëtares, Xhani De Biazi. Sezonin e fundit Torino arriti të mbijetonte në Serinë A me jo pak vështirësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje