.png)
Qeveria italiane ka dhënë lejen për praninë e tifozëve në stadiumin “Olimpico” për ndeshjet e Europianit që nis më 11 qershor. Ministri i Shëndetit, Speranca, i ka dërguar presidentit të Federatës Italiane të Futbollit, Gravina, një shkresë zyrtare për praninë e tifozëve dhe tani ajo do t’i përcillet menjëherë UEFA-s.
Miratimi për prezencën e publikut në stadium është dhënë pak orë para afatit të vendosur nga UEFA për qytetet që do të presin ndeshjet e Europianit. Organizatorët duhet të paraqesin brenda së mërkurës protokollet shëndetësore që kanë të bëjnë me mbushjen e plotë apo të pjesshme të stadiumeve.
“Disponibiliteti i qeverisë është diçka shumë e mirë, që i bën mirë vendit, jo vetëm futbollit. Falënderoj Ministrin e Shëndetit, Roberto Speranca, që ka qenë i gatshëm për zgjidhjen më të mirë për publikun në stadiumin e Romës gjatë Europianit të ardhshëm”, – ka thënë Gravina, presidenti i federates italiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje