.png)
Roma, Mynihu, Bilbao dhe Dublini kanë kohë deri më 19 prill për të garantuar praninë e publikut në ndeshjet e Europianit, që është në program të zhvillohet këtë verë. Ky është njoftimi i fundit i UEFA-s, sipas së cilës, Euro 2020 do të koincidojë me rikthimin e tifozëve në stadiume.
Janë tetë qytete të përcaktuara si pritëse të këtij aktiviteti, që e kanë konfirmuar tashmë praninë e tifozëve, me një numër të limituar. Dhe bëhet fjalë për Shën Petërburgun, Budapestin, Bakunë, Amsterdamin, Bukureshtin, Kopenagenin, Gllasgoun dhe Londrën.
Katër qytetet e tjera kanë kohë deri më 19 prill që të japin të dhënat për programin e tyre për tifozët, duke qenë se në atë datë do të merren vendimet finale sa i takon zhvillimit të ndeshjeve. “Olimpico” i Romës duhet të presë tri ndeshje, sipas programit, mes tyre edhe një çerekfinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje