.png)
Pas Briken Caljas, ishte radha e Erkand Qerimajt dhe Daniel Godellit për të garuar në Europianin e Peshëngritjes, që po zhvillohet në Rusi. Në fakt, vetëm shkodrani ka garuar, kurse Godelli u tërhoq për shkak të një dëmtimi.
Qerimaj ka dalë i treti në Baterinë B në stilin e shkëputjes, që e filloi me 150 kilogramë, më pas ngriti 154 dhe 156 kilogramë. Në shtytje Qerimaj pati sukses vetëm në provën e parë, ku ngriti 180 kilogramë, por dështoi të ngrinte 184 dhe 185 kilogramë. Shkodrani këmbënguli, duke garuar i dëmtuar, ndaj dhe paraqitja e tij mund të konsiderohet e mirë.
Daniel Godelli pësoi një dëmtim që në provën e parë në stilin e shkëputjes, ku tentoi të ngrinte 152 kilogramë. Dëmtimi ishte serioz dhe e detyroi peshëngritësin shqiptar të tërhiqej nga gara.
Deri tani Shqipëria ka fituar tri medalje në Europianin e Rusisë, fillimisht një medalje bronzi nga Evangjeli Veli, dhe më pas një të argjendtë dhe një të bronztë nga Briken Calja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje