.png)
Gazeta Si – Pa fat peshëngritësja Evangjeli Veli, e cila është infektuar nga Covid-19. Kjo ka bërë që të humbasë garën në Lojërat Mesdhetare, ku kishte shansin për të marrë medalje.
Veli ka bërë një postim në rrjetet sociale, ku bënte të qartë situatën. Ajo shkruante se nuk mund të garojë në “Oran 2022”, pais kishte rezultuar pozitive me Covid-19. Peshëngritësja kishte postuar gjithashtu edhe përgjegjet e analizave.
Vetëm pak javë më parë sportistja u shpall dhe kampione Europe në Tiranë dhe ishte kandidate serioze për medalje në Lojërat Mesdhetare që po zhvillohen në Algjeri.
Shpresat për medalje nga peshëngritja tani janë te Erkand Qerimaj. Briken Calja është i dëmtuar dhe nuk merr pjesë në këtë aktivitet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje