.png)
Gazeta Si – Peshëngritja shqiptare përfshihet sërish nga skandali i dopingut. Evangjeli Veli, e cila doli kampione Europe më 29 maj në Europianin e zhvilluar në Tiranë, ka rezultuar pozitive me doping.
Në atë aktivitet Veli fitoi 2 medalje ari dhe një argjendi, por që shumë shpejt janë njollosur nga dopingu. Sipas ‘Top channel’, analizat e kryera në Gjermani kanë zbuluar gjurmë stanazololi te sportistja shqiptare.
Laboratori i Drezdenit, i licencuar nga WADA (Agjencia Ndërkombëtare e Antidopingut), ka nxjerrë këtë përfundim. Stanazololi është ndër elementët e ndaluar, që është përdorur më parë edhe nga peshëngritës të tjerë shqiptarë e të huaj.
Veli është pezulluar nga organizatat ndërkombëtare, por edhe nga Federata Shqiptare e Peshëngritjes. Duhet pritur edhe rezultati i testit B, por ka pak gjasa që situata të ndryshojë.
Peshëngritësja shqiptare mund të pezullohet deri në 8 vjet, nëse doping konfiromohet nga testi B. Veli e ka rast të përsëritur, sepse edhe 2018-ën ka dal me doping. Rezultati i testit B do të mësohet në shtator.
Po ashtu, është pezulluar për momentin edhe shpërblimi prej 72 milionë lekësh, që Evangjeli Veli do të përfitonte nga 3 medaljet e fituara në Europian.
Dopingu në peshëngritjen shqiptare është një histori e vjetër. Në të kaluarën edhe sportistë të tjerë kanë rezultuar pzoitivë, duke njollosur medaljet që kanë fituar, siç po ndodh edhe me Velin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje