.png)
Shqipëria ka fituar medaljen e parë në Europianin e peshëngritjes, që po zhvillohet në Rusi. Është një medalje bronzi, e fituar nga Evagjeli Veli në stilin e shkëputjes. Veli garon në kategorinë e peshave 55 kg dhe zuri vendin e tretë në shkëputje, pasi ngriti 89 kg, kurse në stilin e shtytjes ajo ngriti 105 kg dhe u rendit e teta.
Në dygarësh, Evangjeli Veli zuri vendin e pestë, me 194 kg në total. Ajo vendosi edhe tre rekorde të reja kombëtare për kategorinë e saj me rezultatet që regjistroi në Rusi. Ky është një sukses i madh për një sportiste, që gati 2 muaj më parë bëri të ditur largimin nga kombëtarja, sepse kishte mosmarrëveshjeve me federatën. Më pas situata u sqarua dhe tashmë Veli i ka sjellë medalje Shqipërisë.
Në Europianin e Rusisë do të garojnë edhe peshëngritësit Briken Calja, Daniel Godelli, Erkand Qerimaj dhe Krenar Shoraj. Pritshmëritë janë të mëdha për medalje të tjera nga katër peshëngritësit shqiptarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje