.png)
“Të qëndrojmë bashkë, këto ngjyra na bashkojnë”. Janë këto fjalët e postuara në Tuiter nga Argjentina për prezantimin e fanellës së re të skuadrës për ndeshjet zyrtare. Ngjyrat klasike, por edhe ndonjë modifikim për t-shirt-in që lojtarë si Mesi, Dibala dhe kampionë të tjerë do të veshin shumë shpejt.
Estamos juntos. Nos unen estos colores 💪🇦🇷@adidasar #adidasfootball #creadoconadidas pic.twitter.com/fJExsRMNNq
— Selección Argentina 🇦🇷 (@Argentina) March 22, 2021
Lionel Mesi, Paulo Dibala, Rodrigo De Paul, Mariana Larrokuete, Milagros Menendez, Vanesa Santana, Nikolas Kapaldo dhe Julian Alvarez kanë marrë pjesë në videon e prazantimit të fanellës së re në rrjetet sociale, por ka një problem: uniforma e re nuk u pëlqen tifozëve. Pakënaqësia e tyre ka të bëjë me modifikimin e fanellës, veçanërisht “penelatat” e zgjedhura në tre tonalitete të ngjyrës së kaltër.
“Fanella më e keqe që kemi parë”, – shkruan dikush, duke kritikuar uniformën e re. “E tmerrshme”, “e shëmtuar”, – kanë shkruar të tjerë. Disa fansa madje kanë shkuar deri aty sa të urojnë edhe humbjen në ndeshjen me Brazilin, rivalin e përjetshëm të Argjentinës: “Meritojmë të mundemi nga Brazilin ë finale e Kupës së Botës, nëse luajmë me një fanellë të tillë”.
Vetëm pak ditë më parë, marka e njohur “Le Coq Sportif” kishte zgjedhur pikërisht Argjentinën, duke propozuar një linjë për të nderuar fitimin e Botërorit të 1986-ës në Meksikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje