.png)
Gazeta Si – Distria Krasniqi arrin një tjetër sukses. Xhudistja kosovare ka fituar medaljen e artë në Grand Slam-in, që po zhvillohet në Paris. Ajo triumfoi në kategorinë deri në 52 kilogramë. Në finale kampionia olimpike mundi hungarezen Reka Pup.
Në raundin e dytë Distria Krasniqi kishte eliminuar spanjollen Marina Kastelo Diez, kurse në çerekfinale eliminoi mongolezen Sosorbaram Lkhagvasuren. Në këtë rast kosovarja fitoi me ‘ippon’, rezultati më i lartë në xhudo.
Pastaj në gjysmëfinale Krasniqi fitoi me dy ‘waza-ari’ ndaj francezes Amandine Bushard. Në finale ajo ia doli të fitojë medaljen e artë, duke shënuar një tjetër sukses për Kosovën në xhudo. Medaljen e artë sportistja e ka festuar duke bërë simbolin e shqiponjës dykrenare në Paris.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje