.png)
Gazeta Si – FBI bastisi rezidencën e Donald Trump në Mar-a-Lago, Florida. Kështu ka deklaruar ish-presidenti i Shteteve të Bashkuara, i cili ndodhej në Nju Jork në momentin e nisjes së bastisjes.
“Pas punës dhe bashkëpunimit me agjencitë përkatëse qeveritare, kjo bastisje e paparalajmëruar në shtëpinë time nuk ishte as e nevojshme dhe as e përshtatshme”, tha miliarderi në një deklaratë që konfirmon lajmin.
Më pas ai e quajti kontrollin policor një “shfrytëzim të drejtësisë dhe një sulm nga demokratët radikalë të majtë, të cilët dëshpërimisht nuk duan që unë të kandidoj për zgjedhjet në 2024”.
Megjithatë, ende nuk ka konfirmime zyrtare dhe për këtë arsye nuk është e qartë se mbi bazën e cilit mandat gjyqësor kanë lëvizur agjentët federalë.
Muaj më parë, Arkivi Kombëtar, raportoi zhdukjen e një sasie të madhe materiali nga Shtëpia e Bardhë.
Pak para përfundimit të mandatit të tij, Trump dyshohet se transportoi pesëmbëdhjetë kuti në rezidencën e tij.
Ministria e Drejtësisë nuk ka komentuar, ndaj nuk dihet ende nëse ka ndonjë lidhje me hetimin e nisur nga Prokurori i Përgjithshëm Merrick Garland mbi përgjegjësitë e mundshme penale që lidhen me sulmin në Kapitol Hill më 6 janar 2021.
Ekipi i FBI-së ndërhyri në një kasafortë dhe dyshohet se mori shumë materiale. Edhe pse një nga djemtë e Trump, Eric, kishte postuar në Tëitter: “Kasaforta ishte bosh”.
Gjithsesi, është hera e parë që policia kontrollon shtëpinë e një ish-presidenti. Një nismë që shton më shumë pakënaqësi ndaj një konfrontimi politik në nivele tashmë shqetësuese.
Ishte vetë Donald Trump ai që dha lajmin, rreth orës 19:00 të së hënës në mbrëmje.
Më pas, ish-ndërtuesi i Nju Jorkut lëshoi një deklaratë të gjatë në të cilën ai pretendon se është një politikan i persekutuar: “Këto janë kohë të errëta për kombin tonë, ndërsa shtëpia ime e bukur, Mar-A-Lago në Palm Beach, Florida, është aktualisht nën rrethim, pushtuar nga një grup i madh agjentësh të FBI-së. Asgjë e tillë nuk i kishte ndodhur kurrë një presidenti të Shteteve të Bashkuara”.
Trump pretendon se kundërshtarët e tij kanë “shfrytëzuar” sistemin gjyqësor: “Është një manovër, një persekutim, një sulm nga demokratët e së majtës radikale që nuk duan që unë të kandidoj për zgjedhjet presidenciale të vitit 2024, veçanërisht pasi kam parë sondazhet e fundit. Ata do të bëjnë gjithçka për të ndaluar republikanët dhe konservatorët në zgjedhjet e ardhshme afatmesme”.
Trump është në qendër të të paktën dy linjave të veçanta të hetimit. Prokurorja e Përgjithshme e Shtetit të Nju Jorkut, Letitia James, prej muajsh po kryen një hetim mbi çështjet financiare të kompanisë Holding Trump.
Dyshimi kryesor: drejtuesit e lartë dyshohet se kanë shtuar vlerën e llogarive aktive për të marrë më shumë financim nga banka.
Por sigurisht iniciativa e marrë nga Garland ka një peshë krejtësisht tjetër. Nën vëzhgim janë manovrat e Trump për të përmbysur rezultatin e zgjedhjeve të 2020 dhe për të nxitur sulmin në Kapitol Hill më 6 janar 2021.
Ditët e fundit ata janë thirrur përpara një “jurie të madhe federale” disa nga bashkëpunëtorët më të afërt të Trump në javët e trazuara që pasuan humbjen zgjedhore të nëntorit 2020.
Ndër të parët që u shfaq, është John Eastman, avokati që e bindi Trump të sulmonte publikisht zëvendëspresidentin e atëhershëm, Mike Pence, sepse ai nuk kishte refuzuar ta ratifikonte fitoren e Joe Biden në seancën e përbashkët të Kongresit më 6 janar.
Një tjetër dëshmitar i rëndësishëm që sapo u dëgjua, është Pat Cipollone, kreu i Departamentit Ligjor të Shtëpisë së Bardhë.
Megjithatë do të shihet nëse ka një lidhje midis këtyre depozitimeve dhe bastisjes së FBI-së në Mar-a-Lago.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje