.png)
Mbrëmja e së shtunës ishte një festë e madhe për tifozët e Atletiko Madrid, që fitoi titullin kampion në Spanjë, por fatkeqësisht ka ndodhur një tragjedi, një djalosh 14-vjeçar ka humbur jetën.
Tifozi i Atletikos ishte duke festuar triumfin e skuadrës së zemrës dhe sipas asaj që bën me dije “El Pais”, ai kishte nxjerrë kokën nga dritarja e një furgoni, duke e përplasur më pas pas një muri. Një goditje që rezultoi fatale, pasi 14-vjeçari nuk mundi të mbijetonte, pavarësisht ndihmës së shpejtë mjekësore.
Furgoni në atë moment ishte duke hyrë në parkimin e nëndheshëm të “Plaza de Santa Ana”, në qendër të qytetit. Tragjedia e 14-vjeçarit e ka zbehur disi festën e Atletikos, që u shpall lampion i La Ligës për herë të 11-të në historinë e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje