.png)
Gazeta Si – Tragjedi në Korenë e Jugut, me 153 të vdekur dhe më shumë se 100 të plagosur dhe qindra të zhdukur.
Viktimat kanë pasur simptomat e arrestit kardiak. Kaosi ndodhi për shkak të pranisë të një personazhi të njohur në një lokal, ku të rinjtë u mblodhën për ta parë dhe pastaj turma shkaktoi tragjedinë.
Bilanc tragjik në Seul, kryeqytetin e Koresë së Jugut. Të rinjtë merrnin pjesë në një parti të ‘Halloween’-it dhe sipas agjencisë së shtypit ‘Yonhap’, të paktën 81 persona kanë telefonuar numrin e emergjencës, duke thënë se kishin vështirësi në frymëmarrje. Dhjetra prej tyre i janë nënshtruar reanimacionit kardiopolmonar.
Ngjarja ndodhi në lagjen Itaewon, e famshme për jetën e natës dhe ku u krijua një turmë shumë e madhe. Festa e ‘Halloween’-in në Seul është e para që u festua në lokale dhe rrugë pas pandemisë. Por ajo u transformua në tragjedi.
Rrethanat nuk janë ende shumë të qarta, por një funksionar i zjarrfikësve ka bërë me dije se një turmë e madhe u mblodh pranë ‘hotel Hamilton’, ku pritej një personazh i njohur. Në një moment diçka shkaktoi panik dhe qindra persona u shkelën nga turma, duke krijuar imazhe apokaliptike.
Bëhet me dije se ishin rreth 100 mijë persona në atë zonë për të festuar ‘Halloween’-in pa maska. Një festë që përfundoi në mënyrën më të keqe të mundshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje