.png)
Boris Johnson ka vendosur më në fund të vendosë kufizime të reja në Britaninë e Madhe: një përgjigje kjo ndaj avancimit të variantit Omicron, por edhe një përpjekje për të shpërqendruar opinionin publik nga “skandali i festës së Krishtlindjes” që po lëkund nga themelet qeverinë në këto orë.
Boris Johnson ka kërkuar falje gjatë raportimit të vonshëm të mërkurën në Kuvend duke nënvizuar se cështja po hetohet.
Kryeministri njoftoi detyrimin për të punuar nga shtëpia sa herë që është e mundur, si dhe futjen për herë të parë të një forme të pasaportës së vaksnimit, ndonëse e kufizuar në klube nate dhe evente të mëdha.
Qeveria planifikon – më pas – shtrirjen e përdorimit të maskës në shumicën e vendeve të mbyllura.
Kalimi në Planin B është “proporcional dhe i përgjegjshëm”, tha kryeministri, duke nënvizuar se “duhet të jemi të përulur me këtë virus”. Këto janë masa që deri në mbrëmjen e djeshme kishin përçarë qeverinë.
Për një javë Boris Johnson është përpjekur – pa sukses – të shkundë skandalin e fundit që minon besueshmërinë e tij.
Gazeta “Daily Mirror”, zbuloi se dy festa të Krishtlindjeve u mbajtën në Downing Street (selia e qeverisë britanike) në dhjetor të vitit të kaluar, në një kohë kur rregulloret anti-Covid e ndalonin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje