.png)
Në pritje për të kuptuar kur do të rifillojë Serie A, ka pasur jo pak dyshime në lidhje me kontratat e lojtarëve që skadojnë më 30 qershor, duke pritur “ok”-in për shtyrjen e tyre për shkak të emergjencës së koronavirusit. Dhe FIFA ka vendosur ta miratojë këtë rregull, duke i quajtur të rregullta kontratat edhe pas 30 qershorit.
“Jemi dakord me zgjatjen e këtyre kontratave, tani u takon klubeve dhe futbollistëve që të gjejnë marrëveshjen mes tyre”, – ka deklaruar zëvendëspresidenti i FIFA-s, Vincent Montagliani, duke ua kaluar kështu topin futbollistëve dhe drejtuesve të klubeve.
Nga njëra anë FIFA e lë të lirë shtyrjen e kontratave për futbollistët në gjithë botën, ndërsa në anën tjetër distancohet, duke e lënë gjithçka në dorë të futbollistëve dhe klubeve, që duhet të gjejnë tashmë një marrëveshje të re, rast për rast. Situata mbetet gjithsesi e komplikuar. Për të zgjatur marrëveshjen kontraktuale përtej 30 qershorit duhet akordi i të gjitha palëve. Më problematikë janë rastet, kur bëhet fjalë për futbollistë, të cilët përfitojnë shifra të larta nga kontratat që kanë firmosur më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje