.png)
Kryeministri Edi Rama ka zhvilluar mbledhjen e parë të këtij viti me ministrat te “Vila 31” në ish Bllok.
Nisur edhe nga vendi ku ka mbledhur kabinetin qeveritar, takimi nuk ka qenë aq zyrtar dhe i protokolluar.
“Para nisjes së diskutimit maratonë të fillimvitit me qeverinë ose ai momenti kur bën detyrat para orës së mësimit”, shkruan Rama në faqen e tij në facebook dhe poston foton e tavolinës.
Rama ka kërkuar informacione të hollësishme për të analizuar punët që janë bërë përgjatë vitit të kaluar.
Mbledhja do të vazhdojë dhe nesër. Në të merr pjesë edhe Kreu i Grupit Parlamentar të PS, Taulant Balla.
Në fokus të saj do të jenë punët që janë bërë, çfarë nuk ka shkuar mirë dhe sfidat e vitit që sapo hymë.
Në fund të vitit të kaluar, kryeministri Edi Rama theu rregullin duke mos mbajtur takimin e përvitshëm me mediat ku rëndom raporton qeverinë përgjatë një viti.
Në vend të saj, Rama proklamoi paketën e ndihmës për disa kategori në kuadër të rritjes së inflacionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje