.png)
“Forbes”, revista e njohur amerikane që merret me ekonominë, ka publikuar klasifikimin e fundit të miliarderëve të botës, duke bërë edhe një shpjegim se si pasuria e tyre mund të zvogëlojë pasojat e koronavirusit në jetën e përditshme të qytetarëve të gjithë botës.
Në këtë klasifikim bëjnë pjesë edhe shumë pronarë të klubeve të futbollit në gjithë botën. “Bosët” e futbollit janë gjithsesi larg atyre që kryesojnë këtë klasifikim. Më i pasuri nga bota e futbollit është biznesmeni francez Francois Pinault, i cili ka në pronësi klubin e Renes. Ai mban vendin e 27-të në klasifikimin e përgjithshëm dhe të parin sa u takon pronarëve të klubeve të futbollit.
Në 10-shen e pasanikëve të futbollit vazhdon të qëndrojë ish-kryeministri i Italisë dhe ish-presidenti i Milanit, Silvio Berluskoni, president i Moncës. Madje, “Kavaljeri” qëndron edhe para pronarit aktual të Milanit, Paul Singer. Ky i fundit është jashtë 10-shes së parë, i 538-i në klasifikimin e përgjithshëm. Në Itali, presidenti më i pasur është ai i Interit, Zhang Jindong.
10 pronarët më të pasur të klubeve të futbollit sipas pozicionit në klasifikimin e përgjithshëm:
27°: Francois Pinault, 27 miliardë dollarë (Renes)
57°: Dietrich Mateschitz, 16.5 miliardë (Lajpcig dhe Salcburg)
113°: Roman Abramovich, 11.3 miliardë (Çelsi)
118°: Philip Anschutz, 11 miliardë (LA Galaksi)
135°: Stanley Kroenke, 10 miliardë (Arsenal)
183° Shahid Khan, 7.8 miliardë (Fulhem)
184°: Zhang Jindong, 7.7 miliardë (Inter dhe Jiangsu)
224°: Dmitry Rybolovlev, 6.6 miliardë (Monako)
308°: Silvio Berluskoni, 5.3 miliardë (Monca)
383°: Roço Commisso, 4,5 miliardi, Fiorentina
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje